D'Survcoin (fir "Iwwerliewensmënz") ass eng Währung di konzipéiert ass fir d'Efforten ze belounen déi mir ënnerhuelen fir eise Carbon-Ofdrock ze reduzéieren. D'Zil vum Survcoin-Projet ass dës Efforten ze stimuléieren an ze beschleunegen andeems se se quantifizéiert an rémunériert. Hien baséiert op neien Technologien, mat deenen d'Bierger sech ewell mat dezentraliséierte, kontraktuellen a monetären Outilen kënne asurüsten, dären Zweck si selwer definéieren. D'Dekarboniséierungswährungen, déi vun de Benotzer verdéngt ginn, kënne mat Partnerhändler fir Produkter a Servicer ausgetauscht ginn, fir en Ökosystem vun Transaktiounen ze kreéieren déi zur Dekarboniséierung bäidroen.
Iwwert eis
Sociétéit fir gesellschaftlechen Impakt
Geschicht
De Survcoin gouf fir d'éischte Kéier 2018 am Kader vun engem Pilotprojet zu Lëtzebuerg déployéiert, deen duerch d'a.s.b.l. Climate Action Blockchain gefouert gouf. Dëss Associatioun ass am August 2017 geschafe ginn, fir d'Potential vun der Blockchain-Technologie fir den Klimaschutz ze exploréieren. Een éischte Pilot ass mat Vël’OK Regional, engem Self-Service Vëlos-Leidéngscht am Südwesten vu Lëtzebuerg, ëmgesat ginn
2022 gouf Survcoin als Sociétéit fir gesellschaftlechen Impakt (S.I.S.) geschaf a setzt elo mat der Gemeng Déifferdeng e Pilotprojet ëm fir d’douce Mobilitéit ze stimuléieren, genannt MobiDiff,.
Missioun
D'Missioun vun Survcoin S.A.-S.I.S. ass zur Reduktioun vun eisen Treibhausgasemissiounen bäizedroen mat der Hëllef vun alternativen Währungen, déi dem d'Klimaschutz gewidmet sinn. Et geet drëm, de Leit ze hëllefen sech hires Carbon-Ofdrock bewosst ze ginn an ze erreechen, dat si hir Gewunnechten dauerhaft veränneren.
Konzept
Problematik
Emulatioun
Konzept
Problematik
Mat der Klimadrénglechkeet confrontéiert si vill Bierger bereet, vill méi Efforten ze maachen fir hire Carbon-Ofdrock ze reduzéieren, mee e wesentlechen Deel vun dësem gudde Wëllen geet verluer wéinst engem Mangel un adäquatem Encouragement. Op der anerer Säit sinn déi meescht vun eis besonnesch reaktiv op alles wat engem monetäre Stimulus ähnelt. Survcoin ass eng engagéiert Währung déi op dës Reaktiounsfäegkeet opbaut: hien gëtt eis ausbezuelt als Belounung am Verhältnis zu eisen CO2 -Emissiounen, déi mir évitéiert hunn. Dëss Belounungen quantifizéieren also den Décarboniséiereungs-Merite vun den Aktiounen fir eisen Carbon-Ofdrock ze verréngeren.
Emulatioun
De Survcoin, deen haaptsächlech am Kontext vu Smartphone-Uwendungen agesat gëtt, gëtt eisen Efforten fir eisen Ofdrock ze reduzéieren eng spilleresch Dimensioun ("Gamification") andeems hien op Emulatioun tëschent Frënn a Kollegen setzt. Et gëtt also mam Survcoin méi op d'Muert ewéi op de Bengel gesat vis-à-vis vun de Schwieregkeeten, déi mir begéinen fir eis Ofhängegkeet vu fossille Brennstoffer ze reduzéieren, an domadder den Terrain préparéiert fir di zukünfteg onausweechlech réglementaire Contrainten.
Fir dat vollt Potenzial vun esou enger Léisung ze notzen, ass eng systematesch Notzung vun der Gamification geplangt, a Form vu Quizzen, Concoursen, Tombolaen, Campagnen, individuell a kollektiv Erausfuerderungen, asw., fir de Benotzer eng Rei vu staarken Ureizer fir d'douce Mobilitéit unzebidden, déi och regelméisseg erneiert ginn.